من بداية الخليقة الانسان بحط الحق على غيرو:
آدم بيحط الحق على حوا، وحوا بتحط الحق على الحية، والحية بتقول ما حدا جبرهون ياكلوا منها، هني بحرّيتهون أكلو منها ...

بيقول جان بول سارتر: الاخر هو الجحيم
وكأن الاخر هو عدوّي، وهو اللي بدو يسرقني وينهبني ، وهو اللي ما بيريدلي الخير
ما في اي ثقة بالاخر، حتى باخوه الواحد ما عاد الو ثقة

حسد وغيرة ونميمة وطق براغي، وتشهير بالاخر

كل الناس بتقول: الناس ما ضل بقلبها رحمة وما ضل فيها محبة
هالشي يعني نحنا كلنا ما ضل فينا محبة، لان الناس هني نحنا
الآخر هو اخي اختي جاري صديقي،
وانا هو الاخر بالنسبة لاخي ولاختي ولجاري ولصديقي

دايماً منقول: الاخر ما بيسامح وما بيتفّهم وما بيهتم وما بيساعد وما بيريد الخير .....
وانا شو؟ بساعد؟ بهتم؟ بسامح؟ بغفر؟ بحب؟ بريد الخير؟

اكبر مشكلة هي الاحكام المسبقة
منرسم صورة مسبقة عن الاشخاص بناءً على اللي قالولي ياه وخبروني عنو
او لانو من هالبلد او من هالدين او من هالطايفة او من هالحزب

بصير عايش بالخوف من كل الناس، مالي ثقة بحدا، وكمان ما حدا الو ثقة في

ومنربي ولادنا على الخوف من الاخر: اوعى تخليهون يضحكو عليك، اوعى ياكلولك اكلاتك، اوعى يلعبولك بالعابك، اوعى واوعى ودير بالك

بنينا حضارة خوف وعداوة جواتنا وجوات قلوب وفكر ولادنا من دون ما نحس

منقول: من وين اجت كل هالكوارث والمجاعات والحروب والدمار؟
اجت مني، منك، من كل واحد فينا

قلبي مسكّر وعامل بلوك على الاخر، مسكر على نور الله
قلبي منغلق على حالو وما عندي استعداد افتح الباب حتى يشم ريحة الله.
قلب معفّن، ونخاعات مخوّخة، وفكر اسود

باب قلبي وباب فكري انا اللي مسكرو .... ما حدا تاني
المفتاح معي وحدي
انا الي بقدر افتح هالباب لنور المسيح حتى يدخل ويطهّر وينضّف ويعقّم وينقّي

انخلق قلب الانسان حتى الله يجي ويسكن فيه

ليش الصلاة وليش بدنا نصلي وشو بتفيدنا الصلاة؟؟؟؟
الصلاة بتعمل كل شي ، بتخلي الله يسكن بالقلب وينور العقل
الصلاة بتعلّمنا نتواصل من الاخر ويصير الاخر فرحي وسعادتي ، بيصير الاخر جنّتي مش جحيمي، والعكس صحيح.

مستقبل القرية والمدينة والبلد والعالم اللي عايشين فيه بيعتمد عليّ وعليك وعلى كل واحد فينا

المشكلة فيي والحل فيي ... والقرار بإيدي

المشكلة فيّ ... والحل فيّ

من بداية الخليقة الانسان بحط الحق على غيرو:

آدم بيحط الحق على حوا، وحوا بتحط الحق على الحية، والحية بتقول ما حدا جبرهون ياكلوا منها، هني بحرّيتهون أكلو منها ...

بيقول جان بول سارتر: الاخر هو الجحيم

وكأن الاخر هو عدوّي، وهو اللي بدو يسرقني وينهبني ، وهو اللي ما بيريدلي الخير

ما في اي ثقة بالاخر، حتى باخوه الواحد ما عاد الو ثقة

حسد وغيرة ونميمة وطق براغي، وتشهير بالاخر

كل الناس بتقول: الناس ما ضل بقلبها رحمة وما ضل فيها محبة

هالشي يعني نحنا كلنا ما ضل فينا محبة، لان الناس هني نحنا

الآخر هو اخي اختي جاري صديقي،

وانا هو الاخر بالنسبة لاخي ولاختي ولجاري ولصديقي

دايماً منقول: الاخر ما بيسامح وما بيتفّهم وما بيهتم وما بيساعد وما بيريد الخير .....

وانا شو؟ بساعد؟ بهتم؟ بسامح؟ بغفر؟ بحب؟ بريد الخير؟

اكبر مشكلة هي الاحكام المسبقة

منرسم صورة مسبقة عن الاشخاص بناءً على اللي قالولي ياه وخبروني عنو

او لانو من هالبلد او من هالدين او من هالطايفة او من هالحزب

بصير عايش بالخوف من كل الناس، مالي ثقة بحدا، وكمان ما حدا الو ثقة في

ومنربي ولادنا على الخوف من الاخر: اوعى تخليهون يضحكو عليك، اوعى ياكلولك اكلاتك، اوعى يلعبولك بالعابك، اوعى واوعى ودير بالك

بنينا حضارة خوف وعداوة جواتنا وجوات قلوب وفكر ولادنا من دون ما نحس

منقول: من وين اجت كل هالكوارث والمجاعات والحروب والدمار؟

اجت مني، منك، من كل واحد فينا

قلبي مسكّر وعامل بلوك على الاخر، مسكر على نور الله

قلبي منغلق على حالو وما عندي استعداد افتح الباب حتى يشم ريحة الله.

قلب معفّن، ونخاعات مخوّخة، وفكر اسود

باب قلبي وباب فكري انا اللي مسكرو .... ما حدا تاني

المفتاح معي وحدي

انا الي بقدر افتح هالباب لنور المسيح حتى يدخل ويطهّر وينضّف ويعقّم وينقّي

انخلق قلب الانسان حتى الله يجي ويسكن فيه

ليش الصلاة وليش بدنا نصلي وشو بتفيدنا الصلاة؟؟؟؟

الصلاة بتعمل كل شي ، بتخلي الله يسكن بالقلب وينور العقل

الصلاة بتعلّمنا نتواصل من الاخر ويصير الاخر فرحي وسعادتي ، بيصير الاخر جنّتي مش جحيمي، والعكس صحيح.

مستقبل القرية والمدينة والبلد والعالم اللي عايشين فيه بيعتمد عليّ وعليك وعلى كل واحد فينا

المشكلة فيي والحل فيي ... والقرار بإيدي

 

 

 

Toutes les réactions :

2828

 

[back]